हास्य तुझ्या गालावर

गोड गोजिरी लाज लाजरी
नजरेचा मारते तीर .
खूप सुंदर दिसते
जेव्हा असतो राग नाकावर .
तेव्हा असते हास्य तुझ्या चेहऱ्यावर. ….//१//

सुमधुर गाते गाणी
कंठात लागला सुर .
गुबरे गुबरे गाल तुझे
पडते खळी गालावर .
तेव्हा असते हास्य तुझ्या चेहऱ्यावर …..//२//

ठुमकत चालते चाल
घेऊन कमरेवर घागर .
मनाशी जोडले नाते
नजरेवर पडली नजर .
तेव्हा असते हास्य तुझ्या चेहऱ्यावर …..//३//

रिमझिम पावसाच्या सरीत
थेंब पडले डोक्यावर .
पाण्याचा आला ओघळ
येऊन थांबला ओठावर .
तेव्हा असते हास्य तुझ्या चेहऱ्यावर …..//४//

साखरेसारखी गोडी
आहे तुझ्या जिभेवर .
जपून आपुलकीची नाती
ठेवते हात हातावर .
तेव्हा असते हास्य तुझ्या गालावर…..//५//

सौ भारती वसंत वाघमारे
रा. मंचर ता.आंबेगाव
जिल्हा पुणे